نموت وياك يالغالي من النه
وبدونك ياعلي نلنه من النه
بعدك تترك ايتامك من النه
النفس من بعدك تحول اذيه
.........
الشاعر
اياد الفرح المهدوي

الك موج البحر سلم والاكبر
الزغار تلوذ بالطافك والاكبر
عليك بجدك وعمتك والأكبر
بحق دمه اريد تحن عليه
.........
الشاعر
اياد الفرح المهدوي

الم عسري وصل عظمي فحلني
وحزن بعدك سكن بيه فحلمي
عكدني وكتي بخلافك فحلني
عليك بفاطمه الزهرة الزجية
............
الشاعر
اياد الفرح المهدوي

الكلب يم باب غفرانك فرشته
بخ عطورك ترس ريتي فرشته
رسم وجهك لطف بارع فرشته
وفطر حبك شغف للجاذبيه
.........
الشاعر
اياد الفرح المهدوي

العهد وياك مااخلف وعيدي
يروحي احجيلي بحبه وعيدي
الفرح من الهج بذكره وعيدي
ظهورك ياابن سيد البريه
.........
الشاعر
اياد الفرح المهدوي

يالتعرف عمق روحي ونسلاي
انيس بوحشتي ذكرك ونسلاي
احبك انسه كل غيرك ونسلاي
وانت الكلب والنبضات بيه
..........
الشاعر
اياد الفرح المهدوي

عليك ابأختك وانت خولها
خدرها بجفك الوالد خولها
سبية شلون والحادي خولها
بسبيها وغيرتك تنظر عليه
........
الشاعر
اياد الفرح المهدوي

متني بالذنب هادل ومدلي
بجفوفك امسح ذنوبي ومدلي
المدد منك يبو صالح ومدلي
عطائك سيدي فايض عليه
.........
الشاعر
اياد الفرح المهدوي

وبيوت اولاد جدك مابناها
هدمها شلون تقبل مابناها
يمهدي وكرم جفك مابناها
بناها الجود والمن والعطية
......
الشاعر
اياد الفرح المهدوي

تعال كبورهم عجل وبنها
ملامحها اختفت وضح وبنها
عليك العصرة بالزهرة وبنها
بضلعها بالدم بعين الزجيه
.......
الشاعر
اياد الفرح المهدوي

بطلابه الوكت ياكافل طلبلاي
بلائي وحالتي تدري طلبلاي
عليك بزينب اكضيلي طلبلاي
اريد العلتي منها حلها إليه
..........
الشاعر
اياد الفرح المهدوي

ولد بيه عشك حبك فصرلك
وصراير جدتيِ حبي فصرلك
والك كلبي يبوكلبي فصرلك
نبض لولاك ما راهم عليه
.........
الشا عر
اياد الفرح المهدوي